انگاره 2

ویرشتاندوبوم،شل ِمام حوسین ِگاب ناخوشی بوگوقت:تی جا سر فتمرگ،هر وخت ترا ایجازه بدام تانی تی لشا ببری. تا تو بی بی گرزک قوپا چؤ نزنی.

کون ِ گو بیگیفته گاب مانستان خوسرا هرتا خوله مییان فوقایه.

 می جا سر بی نیشتم می سرا بیجیر باردم می پا پیله انگوشتا ارا ور بوشوم.می دیل مئن بوگوفتم:خوک ِتره نه،مورده شور تی فک ِفیجا ببره.ایسمال اچاچو زاکان ِپالو دهن واکونم،ترا ورجین ورجین کونده تاوه دد ِ سگ ورجا.

تاریکی کرا همه جایا فه ورستان دره.

انگاره .1

ساکوتاک ِلافندا سرادا بو.

هوا نفت ِ کونک ِ بویا دایی.رامته زواله وارش ِ زنجیل پایه زنی خانی چل و چلافتین بو.پارک ِ دار و خال ِ کبچ وکتیل جا هنی اب چولکستی.گولان ِ نرره پاختا بوسته بو گیل ِ سر.

ساکوتای خوره خوره رامتا مختی،گاگلف خوسرا جورا گیفتی زناکا فندرستی.

زناک ِچوم مئن ارسو لب پر زیی.

ایتا پیله وره وره چی ستاره او جور جوران چومک زیی.

پارکا لل پر نزیی.